Greqia e ka fituar përballjen për vendin e tretë ndaj Finalndës në EuroBasket 2025, duke triumfuar me rezultat të ngushtë 92-89.

Grekët që nga minuta e parë dominuan takimin duke e mbyllur pjesën e parë me epërsi 48-34.

Ndërsa, Finlanda pati një seri fantastike në çerekun e katërt, ku e afroi rezultatin deri në dy pikë, por në fund grekët fituan 92-89, dhe zunë vendin e tretë në EuroBasket 2025.

Më i dalluari në fitoren e grekëve ishte Giannis Antetokounmpos me 30 pikë, 17 kërcime e gjashtë asistime, teksa lojë të mirë bëri edhe Dorsey që shtoi 20 sosh.

Kurse për Finlandën më i dalluari në këtë sfidë ishte Markkanen me 19 pikë, 10 kërcime e një asistim.

Basketbollisti shqiptar që përfaqëson Finlandën, Edon Maxhuni nuk pati pikë të shënuar në këtë sfidë, vetëm realizoi një asistim.

Greqia e përsërit suksesin e vitit 2009, ku ishte hera e fundit atëbotë që arriti ta zë vendin e tretë në Kampionat Evropian.

Tashmë pozita e tretë dihet dhe ka mbetur të luhet vetëm finalja e madhe, e cila nis sonte me fillim nga ora 20:00 mes Turqisë dhe Gjermanisë./Arbresh.info